Андижон ва Избоскан туманларида тадбиркорлар иштирокида семинар ташкил этилди.
Мазкур тадбир Ўзбекистон Республикаси Вазирлар Маҳкамасининг 2022-йил 14-февралдаги қарорида белгиланган вазифалар ижросини таъминлаш, хусусан қишлоқ хўжалигига мўлжалланмаган ер участкаларини хусусийлаштириш ҳамда уларни аукцион савдолари орқали реализация қилиш тартибларини тушунтиришга бағишланди.
Семинарда вилоят ҳокимлиги ишчи гуруҳи аъзолари, мутасадди ташкилотлар раҳбарлари ҳамда тадбиркорлик субъектлари вакиллари иштирок этди.
Тадбир давомида иштирокчилар ўзларини қизиқтирган саволларга мутахассислардан бевосита жавоб олиш имконига эга бўлдилар.
