2023 йилда фаолиятини бошлаган “Van Universal Motors” МЧЖ бугун юк автомобиллари ишлаб чиқариш, маҳаллийлаштириш ва экспорт йўналишларини кенгайтириш борасида изчил иш олиб бормоқда.
Корхонада ҳозирда 7 хил моделдаги юк автомобиллари ишлаб чиқарилмоқда. Айрим бутловчи қисмларни маҳаллийлаштириш ҳисобига ушбу кўрсаткич 30 фоизга етказилган.
Ишлаб чиқариш қувватларини кенгайтириш мақсадида янги саноат майдонида қўшимча қувватлар барпо этилмоқда. Келгусида 12 тоннадан 50 тоннагача юк кўтариш имкониятига эга транспорт воситаларини ишлаб чиқариш режалаштирилган.
Корхона маҳсулотлари бугун Тожикистон ва Афғонистонга экспорт қилинмоқда. Янги ишлаб чиқариш қувватларининг ишга туширилиши экспорт географиясини янада кенгайтириш имконини беради.
