Ўзбекистон Республикаси Фавқулодда вазиятлар вазирлиги Академияси ҳузуридаги Фуқаро муҳофазаси институти томонидан зилзилада аҳолининг барча қатламини тўғри ҳаракат қилишга ўргатишга мўлжалланган мобил иловаси (Zilzila Mobile) ишлаб чиқилди.
Мазкур мобил илова кенг жамоатчилик томонидан бепул юклаб олиш учун Google play (Плай Маркет) платформасига (Zilzila Mobile) номи билан жойлаштирилган.
Зилзилада аҳолининг барча қатламларини тўғри ҳаракатланишига ўргатиш учун мўлжалланган интерактив мобил иловадан фойдаланиш учун Плай Маркет платфорамасидан ушбу мобил иловани Андроид тизимда ишловчи мобил телефонларга юклаб олиш талаб этилади. Юклаб олинган илова ўрнатилгандан сўнг фойдаланувчи учун қулай бўлган тил танланади. Иловада учта тилда (ўзбек, рус, инглиз) ишлаш имконияти яратилган.
