Бино ва иншоотларнинг ташқи кўринишини ўзгартиришни келишиш қайси ҳолларда қатъий талаб этилади?
Ўзбекистон Республикаси Вазирлар Маҳкамасининг қарори, 20.04.2022 йилдаги 200-сон қарорига асосан бино ва иншоотнинг, якка тартибдаги уй-жойнинг ташқи кўринишини ўзгартириш бўйича агар бино ва иншоот, якка тартибдаги уй-жой магистрал кўчалар, халқаро, давлат аҳамиятига эга бўлган автомобил йўллари бўйлаб жойлашган ҳолларда фасад майдонининг 25 фоизидан ортиқ қисмидан қатъи назар келишиш талаб этилади.
Бино ва иншоот фасадининг эскиз лойиҳаси қайси ташкилоти томонидан ишлаб чиқилади?
Ўзбекистон Республикаси Вазирлар Маҳкамасининг қарори, 20.04.2022 йилдаги 200-сон қарорига асосан бино ва иншоот фасадининг эскиз лойиҳаси тегишли лицензияси бўлган лойиҳа ташкилоти томонидан ишлаб чиқилади.
Бино ва иншоот ташқи кўринишини ўзгартиришни келишиш учун қанча миқдорда йиғим ундирилади?
Ўзбекистон Республикаси Вазирлар Маҳкамасининг 2022-йил 20-апрелдаги “Қурилиш соҳасига оид ягона маъмурий қурилиш регламентларини тасдиқлаш“ тўғрисидаги 200-сонли қарор билан тасдиқланган ”Бино ва иншоотларнинг ташқи кўринишини ўзгартиришни келишиш бўйича давлат хизматлари кўрсатишнинг” маъмурий регламентига мувофиқ Давлат хизматлари кўрсатиш учун базавий ҳисоблаш миқдорининг 50 фоизи миқдорида йиғим ундирилади.
Бино ва иншоотларнинг ташқи кўринишини ўзгартириш учун келишиш талаб этилмайдигон ҳолат қайси?
Якка тартибдаги уй-жойлар, туманларнинг маъмурий маркази бўлмаган шаҳарчаларда, қишлоқ аҳоли пунктлари (қишлоқ ва овуллар)да ҳамда аҳоли пунктлари ташқарисида жойлашган бино ва иншоотларнинг ташқи кўринишини ўзгартириш учун келишиш талаб этилмайди.
