Ёшлар куни муносабати ёшлар билан очиқ мулоқот ва давра суҳбати ташкил этилди. Давра суҳбати давомида Андижон вилояти давлат активларини раҳбари Алимжaнов Отабек Муқимжонович давлатимиз раҳбари томонидан ёшларни қўллаб-қувватлаш, уларнинг бўш вақтини мазмунли ташкил этиш ҳамда истеъдодини рўёбга чиқаришга қаратилган ташаббуслар мазмун-моҳияти тушунтириб берилди. Шунингдек, ёшларнинг спорт, маданият, санъат, китобхонлик ва ахборот технологияларига бўлган қизиқишини ошириш, уларнинг жамият ҳаётидаги фаоллигини кучайтириш масалаларига алоҳида эътибор қаратилди. Якунда ўқувчи-спортчилар ўзларини қизиқтирган саволларга жавоб олиб, ёшлар учун яратилаётган имкониятлар ҳақида батафсил маълумотга эга бўлди.
