Baliqchi, Bo'ston va Ulug'nor tumanlarida tadbirkorlar ishtirokida seminar tashkil etildi.
Mazkur tadbir O‘zbekiston Respublikasi Vazirlar Mahkamasining 2022-yil 14-fevraldagi qarorida belgilangan vazifalar ijrosini ta’minlash, xususan qishloq xo‘jaligiga mo‘ljallanmagan yer uchastkalarini xususiylashtirish hamda auksion savdolari orqali tadbirkorlik uchun yer uchastkalarini realizatsiya qilish tartiblarini tushuntirishga bag‘ishlandi.
Seminarda viloyat hokimligi ishchi guruhi a’zolari, mutasaddi tashkilotlar rahbarlari hamda tadbirkorlik subyektlari vakillari ishtirok etdi.
Tadbir davomida ishtirokchilar o‘zlarini qiziqtirgan savollarga mutaxassislardan bevosita javob olish imkoniga ega bo‘ldilar.
